මල් වත්ත ...

නිදා ගන්න ඔන්න මෙන්න කියල ඉන්නකොට , මගේ යාලුවෙක් ගෙන් මැසේජ් එකක්,

" මචන් හෙට උදේම ටවුන් එකට වරෙන්, අපි එනවා "

ඔන්න ඉතින් මට නිකමට හිතුන හෙට ආතල් සීන් එකක් ඇති කියල. උදේ 6.15 බස් එකේ නැග්ග. බස් එකත් පිඹගෙන නුවරට අවේ. හෑ ... විනාඩි 10 න් නුවර.  වැඩි වෙලාවක් යන්නට කලින් මගේ එක යාලුවෙක් මාකට් එක ලගදි මට හම්බුනා. කෝ බන් අනිත් උන්. අහ් උන් දැන් එයි. මගේ යාළුවා අද ක්ලාස් එකෙන් වලය. අනිත් උනුත් එසේමය.  ටික වෙලාවකින් තව එකෙක් සෙට් උනේය, ඊට පස්සේ තව එකෙක් , ඔහොම මෙහෙම අපි පස් දෙනෙක් අද ක්ලාස් එකෙන් වලය.
" අඩෝ බඩගිනි යමන් කන්න, "

ඩෙවොන් එකෙන් හොදට ඇබරු අපි දැන් මොකද කරන්නේ යන අදහසින් එක එකාගෙන් අදහස් විමසන්න පටන් ගනී.

" අපි අද හොදට බොමු .. " එකෙක් ගේ අදහසය.

"පිස්සුද බන් , අපි යමන් garden එකට." 

අන්න එල වැඩේ ... හැමෝගෙම කැමැත්ත ඒ සදහා ඇති බව පෙනේ. මොකද සමහර උන්ගේ ගෙවල් වල උදවිය ටවුම පැත්තේ ඉන්න නිසා වල බැස ටවුමේ ඉන්න එක නුවනට හුරු නැ.

අපි Garden එකට යනවා කියන්නේ එදාට පෙම් සුව විදින්න එහි එන අනෙක් ජෝඩු වලට ඒ තරම් හොද කලදසාවක් නොවේ. හි හි හි.    

එදාට එය අපේ රාජධානිය බවට පත්වේ.  වෙලාවකට පව් කියලත් හිතෙනවා, 

කස්ටියම ටිකට් අරගෙන දැන් ඇතුලට ආවා. ඒ මදිවට අපේ එකෙක් විසිල් එකක් ගෙනත්. "ඔන්න බලපන් අද කරන වැඩේ." 

අපි ඔහේ වල් පල් කියව කියව යයි.  මහා ලොකු සෙනගක් ද නැත. එහෙත් තැනින් තැන ලස්සන ලස්සන ජෝඩු ඇත. එත් විශේෂ යමක් නැත.

ඔහොම ඉන්නකොට අපේ අනිත් උන් ටික වතුර බොන්න කියා කොහෙටද මන්ද කැපුනේ ඒ  අතරේය. දැන් ඉන්නේ මම විතරය . මට එහා පැත්තේ තඩි උන පඳුරක් ය.  එහා පැත්ත හැරිලා බැලුවම 

අෆ්ෆෝ මෙලෝ රහක් නැ.  දෙන්නෙක් හොදටම පෙම් කෙලියේය. පෙනුන හැටියට නම් වැඩි වයසකුත් නැ වගේ. උන් දෙන්නට මෙලොව සිහියක් නැත. කෙල්ලගේ බ්ලව්ස් එක උරඉස උඩටම ඉස්සි ඇති බව මට යන්තමින් පෙනුනි. වැඩි වෙලා එතන ඉන්න නොසිතු මම එතනින් චේදනය උනේ ටක්ගාල. 

නැවතත් සෙට් එකට එක්වූ පසු අපේ සංචාරය පටන් ගත්තේ ය. දැන් දැන් අපේ උන්ට අපි ගැන අවධානයක් නැත. ගල් මුල් , පඳුරු අස්සවල් දිහා හොදට එබිකම් කරමින් යයි.  එකෙක් දැක්කොත් අනෙකාටද පවසයි.

සමහර වෙලාවට අමුතු අමුතු සීන් යයි. ඇතැම් ජෝඩු Garden ඇවිත් පාඩම් කරයි. සමහර උන් අඩ අඩ ඉදි. සමහර උන් පට්ට නින්දේය. 

මොනවා උනත් මේකේ බලන්නට නම් බොහෝ දේ ඇත. සමහර වෙලාවට අපේ කොල්ලොන්ගේ අතීත කතා දිග ඇරෙන්නේ " තල් මාවතේ " යන විටය. මල් වත්තේ ලස්සනම තැන ඒක වෙන්න ඇති අපේ කොල්ලොන්ට. " මචන් මම අරයව වඩාගත්තේ  මෙතනදී"

අයියෝ වවුලගේ අදෝනාව ආයේ පටන් ගන්න යන්නේ , අපි හිතෙන් බැන බැන උගේ කතාවට 100 වෙනි වතාවට සවන් දෙයි. 

ඔහොම යනකොට බැලු බැල්මට පාලු මාවතක් ඇත.

අර විසිල් එකක් ගෙනාපු මිනිහ එකපාරටම එක පිඹගෙන පිඹගෙන ගියේය. 

අපි උ දිහා බලන ඉදි එත් විශේෂයක් නැත. 

ටික වෙලාවක් ගියාට පස්සේ මෙන්න බොලේ  තැන තැන හැංගි හැංගි පෙම් කර කර හිටපු කස්ටිය 

ඇදුම් එහෙම හරි බරි කරගනිමින් එලියට එයි. උන් හිතල තියෙන්නේ අපි සික්කෝ කියල. මේක ඇතුලේ ඕනවට වඩා ලව් කරන උන්ට විසිල් ගහනවා. හි හි හි...
සමහර කපල් අපි දිහා බලන්නේ මාරාන කන්න වගෙය. උන්ට ඇත්තේ පට්ට තරහක්. අයි අෆ්ෆා නිදහසේ ලව් කරන්නවත් දෙන්නේ නැනේ. අපිට ඉතින් රජ මගුල් ය. අපේ උන් හු තිය තිය හිනාවෙයි.

අඩෝ පව් බන්, ඔහොම එක එක දේ කරමින් මුළු දවසම ගෙවයි.  මේ වගේ දවසක් එන්නේ කලාතුරකින් ය. ඒ ක්ලාස් එකේ බෝරින්ග් වැඩක් සෙට් උනොත් ය. 

නැවත Garden එකෙන් එලියට එන්නේ ක්ලාස් එක ඇරෙන ටයිම් එකට සමාන්තරවය. එතකොට කාටත් සැකයක් නැත. හෝල් ක්ලාස් නිසා ක්ලාස් ඇරෙන විට නැවත එන මහා සෙනගට අපි එකතු වේ, සමහරු ගෙදරට වඩා බය උගේ කෙල්ලටය. අඩුම ගානේ කිසිම සාක්ෂියක් ඉතුරු නොවේ. ටිකට් ටික පවා විසිකරයි. මම කරනුයේ අපේ ටිකට් ටික ඔක්කොම එකතු කර හොරෙන් එකෙක්ගේ බැග් එකකට දමන එකය. එවිට ගෙදර ගියාට පස්සේ උට අඹ සරණයි. ඊට  පස්සේ ඉතින් පරීක්ෂණ , සමහර උන්ගේ කෙල්ලෝ මගෙන් අහනවා " අද මෙය ක්ලාස් අවේ නැනේ? "

එතකොට අපි ඔක්කොම දෙන්නේ එකම උත්තරයය. " අයි ඇවිල්ල හිටියේ පිටිපස්සෙම, "

ඔය ප්‍රශ්න අහන්නේ මගේ යාලුවෝ ගොඩක්  තමන්ගේ වයිෆ් සමග මල් වත්තට නොයයි. මොකද අපි  කරන වැඩ ගැන අපි  දන්නා බැවිනි. අපි වගේ තව කොල්ලෝ ඕන තරම් ඉන්න පුළුවන් නේ.