මටම ආදරේ කරන්න .....

මට දවස හරි හැටි මතක නැ,  උනේ මොකද කියල නම් හොදට මතකයි.  මේ ළගදි වෙච්ච සීන් එකක්.  

ඔන්න මෙහෙ තිබ්බ නේ ලොකු education exhibition එකක්. ඕක තියන්න සතියකට විතර කලින් මගේ කෙල්ල ඕක ගැන හොයල බලලා මට කිවුව අපි සිකුරාදා මේක බලන්න යමු කියල,  මමත් ඉතින් හා කියල හිටිය. 

ඔන්න මම කොම්පියුටර් ක්ලාස් එකට ගියා. මම යනකොට අර මම කලින් කියල තිබ්බ, මගේ අරයා " එක ක්‍රෂ් එකක් "   . මෙකි කිවුනනේ " අනේ ඉසුරු ඔයා මේ friday ෆ්‍රී ද..? " , " මත ගත් කටටම කිව්වා ඔව්  කියල.

හෆොයි කඩා වැටුනේ මහා හෙන ගෙඩියක් ය. " එහෙනම් මාත් එක්ක edexel බලන්න එන්න පුලුවන්ද? " 

මට කොහොම "හා " කියල කියවුනිදැයි මම දන්නේ නැත.  එත් මෙයා එක්ක දවසක් ගත කරනවා කියන්නේ හි හි ...  වැඩේ ගොඩ කියන එකය.  මම කන්න බලාන හිටපු කේක් කෑල්ල දැන් මගේ කට උඩටම වැටිලා ඉවරයි. 

දැන් මම මගේ කෙල්ලට කියන්නේ මොනවද? .. ඊලග දවසේ යමු කියන්නත් බැ.  මේ තරම් බොරු කියල තියන මට  ඕක මහා සුළු දෙයක් නේ,

" අයියෝ නංගි මාර වැඩේ නේ සුදු, මට සිකුරාදා exam එකක්  ක්ලාස් එකේ , අපි ඊලග දවසේ යමු, " හි හි , එයාට ඊලග දවසේ බැරි බව මම හොදට දනිමි. එයාට සෙනසුරාදා දවසම ක්ලාස්. 

මම මේ කරන්නේ හොද නැති වැඩක් බව දන්නවා, මේ කොල්ල කාලේ කරන පිස්සු වැඩනේ, 

දවස හරිය. අපි දෙන්නා සෙට් උනේ මාලිගාව ලග හෝල්ට් එකටය.   අරක බලන්න යනවා කිවුවට මොකද අපි එකේ  බැලුවේ හෙන පොඩ්ඩයි. මොකද අපේ ක්ලාස් එකේ ස්ටෝල් එකක් ද මේකේ දාල, හුටා

අපට උගන්නන සර් තමා එකේ ඉන්නේ, එයා දැක්කොත් මොනවයෙන් මොනවා වෙයිද ? අපි කරේ ඉක්මනට මාරු උන එකය.

ඔයාට girl කෙනෙක් ඉන්නවද ?.... "අයියෝ නැ, "

"පුදුමයි, බොරු කියන්න එපා, "...." ඇයි..? ".... 

"එහෙනම් ඔය කාටද ක්ලාස් එකේදී හොරෙන් මැසේජ් කරන්නේ ..?

හුටා දැන් දීපල්ලකෝ උත්තර,,, මම මටම කියාගත්තේ ය. 

ආහ්හ් ඒ අපේ ස්කොලේ කෙස් එකක් , ඒකයි,

ඔහොම ඇවිද ඇවිද ඉන්නකොට,   නංගිගේ ස්කොලේ ගැහැණු ළමෙක්, අපිව පහු කරගෙන ගියා, එකී  ආයේ  හැරිලා බැලුව , මටත් එකේ එච්චර ගානක් ගියේ නැත. 

දැන් තමා ලොකුම ප්‍රශ්න ටික පටන් ගන්නේ ..

හවස ගෙදර ගියාට පස්සේ මගේ නංගි  මට මැසේජ් එකක් එවල කිවුවේ හෙට උදේම එන්න කියල.

දැන් මොනවා කරන්නද? මාත් කිසි දෙයක් උනේ නැ වගේ වෙනද වගේ ගියා. කිසිම වෙනසක් නැත. වෙනද වගේම හොදට හිනා වී , අතේ එල්ලී  මාත් එක්ක කතා කරමින් යයි.

වැඩි හොද නරකට කියල කතාවක් තියෙනවා නේ..

"අයියා..?? ඊයේ කාත් එක්කද අරක බලන්න ගියේ ..?? " මට ඒ වචන ටික ඇහෙන්න ගිය කාලය  මහා අවුරුදු ගානක් මෙනි.
" අම්මටසිරි මට කියාගන්න දෙයක් නැත. මගේ පපුව ද දඩ දඩ ගා එකසිය ගානට ගැහෙයි.  මට හිනාවක් ආවේ ඉබේටමය. 

" අනේ අයියා ඔයා තව කී දෙනෙක් ආශ්‍රය කරාට කමක් නැ,  ඔයා මට විතරක් ඇත්තටම ආදරේ කරන්න pls .."

ඒ කිව්ව දේට මට මහා දුකක් දැනුනේය. මම කිසිවක් නොකිය එයාගේ අත අල්ලාගෙන දිගටම රේල් පාරේ ඇවිදගෙන ගියේ අවුරුදු ගාණක කෝමා එකකින් නැගිට ගත් පුද්ගලයෙකු මෙනි. මගේ හිතේ මහා හිස් බවක් දැනුනේය. 

මම එයාගේ මුණ දිහා බැලුවෙමි, එයා අහිංසක විදියට පුංචි හිනාවක් දැම්මත් , එයත් ලොකු දුකකින් ඉන්න බව මට සිතුනි,

මට තවමත් කියාගන්නට දෙයක් නැත, ඇයද කිසිවක් නොකියයි .
අනන්තයට යන පාර දිගේ මෙන් අපි නිහඩව රේල් පර දිගේ මංමුලා වූ දෙන්නෙක් මෙන් ඇවිදගෙන යයි.  

අපේ නිහඩතාවය බින්දේ නංගි ය. " අයියා ඔයා කාලද ඉන්නේ ? " 

දැන් මට තවත් අප්සට් ය.  මම කර වැඩේ කොයි තරම් බරපතල වැඩක් උනත් නංගි  තවමත් මං ගැන විස්වාසයක් තබන්නේ ඇයි?

මම ඒක එයාගෙන් අහන්න යන්නෙත් නැත, ඒක නොවිසිදුන මහා ගුප්ත ප්‍රස්නයක් ය.
මට තවමත් ඒ දේට උත්තරයක් ලැබුනේ නැත. මං හිතන්නේ ජිවිත කාලෙටම එයට හේතුවක් දැනගැනීමට මට නොහැකිවෙනු ඇත.